Дунёдаги энг баланд бино қурилиши пандемия сабабли тўхтатилди

Дунёда энг баланд бино бўлиши кутилаётган Dubai Creek Harbour биноси қурилиши коронавирус пандемияси сабабли тўхтатилди.

Фото: Rex

Бу ҳақда Daily Mail нашри хабар берди.

БААнинг энг йирик девелопери, бинонинг қурилиши билан шуғулланаётган Emaar Properties компанияси қурилишдаги ишларни музлатишга мажбур бўлган. Шунингдек, бошқа объектлар қурилиши ҳам қатъий карантин сабабли тўхтатилган.

Нархи 1 млрд долларга баҳоланаётган Dubai Creek Harbour минораси октябрда ўтиши режалаштирилган “Экспо-2020” халқаро кўргазмаси бошланишигача қуриб битказилиши керак эди. Бино амалдаги энг баланд бино – Бурж-Ҳалифадан (828 метр) 100 метр баландроқ бўлиши режалаштирилган.

Таъкидланишича, шунингдек, компания ишчиларининг маоши 2 баробарга қисқартирилган.

Тайёрлаган Шуҳрат Раҳимов

#бино #БАА

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.