Италияда сутка давомида коронавирусдан тузалганлар сони энг юқори кўрсаткични ташкил этди

Италияда бир суткада 2 мингдан ортиқ киши коронавирусдан тузалди, бу эпидемия бошланганидан буён энг юқори кўрсаткич ҳисобланади, деди Италия фуқаро мудофааси хизмати раҳбари Анжело Боррелли.

Фото: Reuters

Аввалроқ касаллик юқтиришлар сони камайгани хабар қилинганди – сутка давомида 880та. Ўтган ҳафтада коронавирусга чалиниш ҳолатлари суткасига 2,9 мингдан камаймаётганди.

"Тузалганлар сони 26 491 кишига етди, бир суткада 2099 киши тузалди – янги рекорд. Кейинги ўн кун давомида шифо топганлар сони 50 фоизга ўсди", - деди Боррелли.

Сўнгги маълумотларга кўра, Италияда коронавирусга чалинганлар сони 135 мингдан ортиқ, 15 мингга яқин киши вафот этган.

Аввалроқ Чехия соғлиқни сақлаш вазирлиги мамлакатда коронавирус тарқалиши тўхтаганини маълум қилганди.

Тайёрлаган Дилшод Аскаров

#Италия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.