Ўзбекистонда коронавирусдан зарарланиш ҳолатлари 545тага етди

Соғлиқни сақлаш вазирлиги Ўзбекистонда яна 11 кишига коронавирус инфекциясидан зарарланиш ташхиси қўйилгани ҳақида хабар берди.

«2020 йил 8 апрель соат 17:15 ҳолатига кўра, Ўзбекистонда коронавирус инфекцияси қайд этилганлар сони 545 нафарни ташкил қилмоқда», дейилади вазирлик хабарида.

Ўзбекистонда дастлабки бемор 15 март куни аниқланган эди. Апрель ойида беморлар сони сезиларли даражада кўпая бошлади, Жами 545та ҳолатнинг ярмидан кўпи – 319таси сўнгги беш кун ичида аниқланди.

Шу вақтгача беморларнинг 30 нафари соғайган, 3 киши вафот этган.