Сингапурда меҳмонга бориш тақиқлаб қўйилди

Сингапур парламенти 7 апрель куни коронавирус тарқалишининг олдини олишга қаратилган ва одамларнинг ҳар қандай миқдорда тўпланишини тақиқловчи қонунни қабул қилди.

Фото: AFP

Унга кўра, бир оила аъзолари, қариндошлар ёки дўстларнинг меҳмонга бориши, шунингдек, жамоат жойларида учрашиши тақиқланди.

Қонун коронавирус тарқалишининг олдини олиш мақсадида ҳукуматга ижтимоий масофани таъминлаш бўйича қатъий чораларни қўллаш учун ҳуқуқий асосни беради. У 6 ой давомида амал қилади.

Сингапурнинг юқумли касалликлар тўғрисидаги қонунига биноан, тақиқни илк маротаба бузганлар 10 минг Сингапур доллари (7031 АҚШ доллари) миқдорида жаримага тортилиши ва/ёки 6 ойгача қамоққа маҳкум қилиниши мумкин. Икки ва ундан ортиқ марта бузганлар учун 20 минг Сингапур доллари (14062 АҚШ доллари) миқдорида жарима ва/ёки 12 ойгача қамоққа маҳкум қилиш жазоси кўзда тутилган.

7 апрель ҳолатига Сингапурда коронавирус билан хасталанган беморлар сони 1481га етган. Улардан 6 нафари вафот этган.

Тайёрлаган Сардор Юсупов

#Сингапур

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.