Россияда беморларни коронавирусдан тузалганлар қонини қуйиш орқали даволаш бошланди

9 апрель ҳолатига кўра, Россияда коронавирусга чалинганлар сони 10 100дан ошган, 76 киши вафот этган, 698 киши тузалган.

Фото: РИА Новости

Россияда коронавирусдан тузалганларнинг қон плазмаларини беморларга қуйиш орқали даволаш бўйича дастлабки муолажалар ўтказилди. Коронавирусдан даволашнинг янги усули ҳақида Москва мэрининг ўринбосари Анастасия Ракова маълум қилди.

Унинг сўзларига кўра, Москвада коронавирусдан тузалган 11 нафар киши донорга айланган. Уларнинг қони етти нафар беморга қуйилган.

«Биз бошқа мамлакатлардаги ҳамкасбларимизнинг ишланмаларини мунтазам кузатиб бормоқдамиз, худди шундай тадқиқотлар Хитой, Германия ва АҚШда муваффақиятли ўтказилмоқда. Янги усул коронавирус пандемиясига қарши самаралироқ курашишимизда ёрдам беришига умид қиламиз», — деди Ракова.

9 апрель ҳолатига кўра, Россияда коронавирусга чалинганлар сони 10 100дан ошган, 76 киши вафот этган, 698 киши тузалган. Мамлакатнинг 85та регионидан фақат тўрттасидагина коронавирус юқтириш билан боғлиқ ҳолатлар қайд этилмаган. Булар Олтой Республикаси, Ненец автоном округи, Тува ва Чукотка.

Тайёрлаган Дилшод Аскаров

#Россия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.