Volvo тезлиги чекланган автомобиллар ишлаб чиқара бошлади

Тезликни чекловчи ускуна янгиланган V90 ва S90’да пайдо бўлади

Швециянинг Volvo маркаси максимал тезлиги соатига 180 километр билан чекланувчи автомобиллар ишлаб чиқаришга киришди. Ушбу чора компаниянинг йўлларда ўлим ва жароҳатлар сонини камайтириш бўйича стратегияси бир қисми сифатида қабул қилинди.

Volvo’нинг тахминича, тезликнинг оширилиши - ўлимга олиб келувчи аварияларнинг асосий сабабларидан бири, аммо улар тезликни чеклаш бу турдаги ЙТҲдан омон қолиш усули эмаслигини ҳам тан олишди. Янги Зеландиянинг Autocar нашрига кўра, дастлаб янгиланган V90 ва S90’да чекловчи пайдо бўлади.

Мувозанатни сақлаш учун соатига 180 километрлик чегара танланди: сафарларни хавфсизроқ қилиш, лекин мижозларни йўқотмаслик.

Швеция маркасидаги автомобилларнинг максимал тезлиги пасайиши ҳақида ўтган йилнинг баҳорида маълум бўлди. Кейин компания келгусида моделлар тезликни бошқариш ва геозоналаштириш функцияларини бирлаштирадиган «ақлли» чекловчи билан таъминланишини билдирди. Бундай тизим маълум бир жойларда, масалан, мактаблар яқинида максимал тезликни автоматик равишда пасайтиради.