Чилида коронавирусдан соғайганларга гувоҳнома берилади

Чили ҳукумати дунёда биринчи бўлиб коронавирусдан соғайган фуқароларга гувоҳнома беришни бошлайди. Бу ҳақда мамлакат соғлиқни сақлаш вазирлигига таяниб BioBioChile радиоси хабар берди.

Фото: Reuters

Гувоҳнома коронавирусдан тўлиқ соғайганларга берилади. Соғлиқни сақлаш вазирлигининг қайд этишича, уларда касалликка нисбатан иммунитет ҳосил бўлади, улар камида бир йил давомида коронавирус ташувчилари бўлишмайди.

Мамлакат соғлиқни сақлаш вазирининг айтишича, касалликдан соғайганларда иммунологик хотира ривожланади ва уларнинг қайта касалланиши деярли нолга тенг.

Радионинг хабар беришича, ўз навбатида Жаҳон соғлиқни сақлаш ташкилоти инсонда коронавирусга қарши антитаначаларнинг бўлиши унда касалликка нисбатан иммунитет ҳосил бўлишини юз фоиз кафолатламайди деган фикрда.

Тайёрлаган Дилшод Аскаров

#Чили #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.