Италия бош вазири вакцина пайдо бўлмагунича ниқобда юриш зарурлигини таъкидлади

Ҳукумат раҳбари ҳафта охиригача мамлакатнинг карантиндан босқичма-босқич чиқиши режасини тақдим этишини айтди.

Фото: AP

Ниқоб тақиш ва шахсий ҳимоя воситаларидан фойдаланиш Италиянинг одатий ҳаётга қайтиши учун зарур шартлардан бири ҳисобланади. Бу ҳақда Италия бош вазири Жузеппе Конте сенатдаги чиқиши чоғида маълум қилди.

"Ҳукумат ҳозирги санитария шароитида бешта банддан иборат стратегияни ишлаб чиқди. Улардан биринчиси – ижтимоий масофани сақлаш ҳамда самарали даволаш ва вакцина пайдо бўлмагунича шахсий ҳимоя воситаларидан фойдаланиш", - деди Конте.

Унинг сўзларига кўра, карантин режими 4 майдан юмшатила бошланади.

Охирги маълумотларга кўра, Италияда коронавирус юқтирганлар сони 181 мингдан ошган, 24 мингдан ортиқ киши вафот этган.

Тайёрлаган Дилшод Аскаров

#Италия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.