Лукашенко жамоасидаги хоккейчида коронавирус аниқланди

Александр Лукашенко коронавирус билан боғлиқ гап-сўзларни бир неча марта телбалик деб атаган ва халқни ваҳимага тушмасликка чақирганди.

Дмитрий Мелешко Фото: Григорий Соколов / РИА Новости

Беларусь президенти Александ Лукашенконинг ҳаваскорлар жамоасида қатнашувчи хоккейчи Дмитрий Мелешкода коронавирус аниқланди. Бу ҳақда мамлакат президентининг матбуот котиби Наталья Эйсмонт маълум қилди.

Эйсмонтнинг билдиришича, спортчи зотилжам ташхиси билан касалхонага ётқизилган ва унда коронавирус аниқланган. Қайд этилишича, Лукашенко у билан мулоқотда бўлмаган, чунки жамоа таътилда бўлган.

Матбуот котибининг сўзларига кўра, президент коронавирусга тест топширмайди ва масофадан ишлашга ўтади.

Лукашенко коронавирус билан боғлиқ гап-сўзларни бир неча марта телбалик деб атаган ва халқни ваҳимага тушмасликка чақирганди.

Охирги маълумотларга кўра, Беларусда коронавирусга чалинганлар сони олти мингдан ошган, 51 киши вафот этган. Мамлакатда спорт мусобақалари, хусусан футбол биринчилиги ҳали ҳам давом этмоқда.

#Беларусь #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.