Қозоғистонда коронавирус сабабли киритилган фавқулодда ҳолат режими форс-мажор деб тан олинади

Аввалроқ Қозоғистонда коронавирус тарқалиши сабабли 16 мартда жорий этилган фавқулодда ҳолат режими 11 майгача узайтирилганди.

Фото: sko.gov.kz

Қозоғистонда коронавирус сабабли жорий этилган фавқулодда ҳолат режими бизнес учун форс-мажор ҳолати деб тан олинади. Бу ҳақда мамлакат президенти Қосим-Жўмарт Тўқаев маълум қилди.

У фавқулодда ҳолат бўйича давлат комиссияси йиғилишида якка тадбиркорлар ва кичик бизнес вакилларининг судга мурожаатлари вақтида фавқулодда ҳолат форс-мажор деб тан олиниши кераклигини таъкидлади.

Тўқаев шунингдек, Қозоғистонда юридик шахслар ва якка тадбиркорларга нисбатан банкротлик жараёнларини қўзғатиш 2020 йилнинг 1 октябригача тўхтатиб турилишини айтди.

Охирги маълумотларга кўра, Қозоғистонда коронавирусга чалинганлар сони 5100дан ошган, 31 киши вафот этган.

Тайёрлаган Дилшод Аскаров

#Қозоғистон #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.