Фейсбук бир ойда коронавирус тўғрисида ёлғон маълумотлар ёзилган 50 миллионта постни аниқлади

Ижтимоий тармоқ бундан ташқари, фойдаланувчилар жисмоний зарар кўриши мумкин бўлган юз минглаб ахборотларни ўчирганини маълум қилган.

Фото: DPA

Фейсбук модераторлари апрель ойида коронавирус тўғрисида ҳақиқатга тўғри келмайдиган маълумотлар ёзилган 50 миллионта постни аниқлади.

Нотўғри маълумотлар жойланган барча постларга тегишли белгилар қўйиб чиқилди.

«Биз ушбу огоҳлантириш иш беришини биламиз, чунки одамлар огоҳлантирувчи белгини кўргач, 95 фоиз ҳолатларда улар тақдим этилган контентга кирмайди», — дейилади ижтимоий тармоқ хабарида.

Шунингдек, модераторлар 1 мартдан 1 апрелгача тиббиёт ниқоблари, антисептиклар, дезинфекцияловчи салфеткалар ва коронавирус тестлари савдоси билан боғлиқ 2,5 миллионта постни ўчирган.

Март ойида ижтимоий тармоқда коронавирус борасида ҳақиқатга тўғри келмайдиган маълумотларга эга 40 миллионта пост аниқлангани хабар қилинганди.

Тайёрлаган Дилшод Аскаров

#Фейсбук #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.