Сингапурлик олимлар пандемия якунланиши бўйича берган барча прогнозларини бекор қилишди

Сингапурнинг технология ва дизайн университети турли давлатларда пандемия якунланиши бўйича берган прогнозлари жадал ўзгараётган вазият сабабли бошқа долзарб эмаслигини маълум қилди.

Университет сайтида прогнозларни эҳтиёткорлик билан қабул қилиш кераклиги, чунки улар табиатан аниқ эмаслиги ҳақида хабар пайдо бўлган. “Баъзи прогнозларга асосланган ҳаддан ташқари оптимизм хавфли, чунки у интизомни сусайтириб, вирус тарқалишига олиб келиши мумкин”, деб айтилган хабарда.

Тадқиқотчилар жавобгарликдан бош тортиб, бошқа университет ва давлатлардаги ҳамкасблари тақдим қилаётган жадвалларга назар солишни таклиф қилишган.

Сингапурлик олимларнинг услуби юқумлик касаллик тарқалишининг математик модели - SIR-моделга асосланган бўлган. У муайян давлатдаги касалликка мойиллар, касалланганлар ва соғайиб кетганлар динамикасини ифодалаган. Унда аҳоли сони, вирус юқувчанлиги коэффициенти, бир кунда касалланганларнинг кўпайиши каби кўрсаткичлар ҳисобга олинган. Сингапурлик олимларнинг прогнозларига кўра, Россияда пандемия августда, АҚШда эса сентябрда якунланиши маълум қилинган.

#Сингапур #пандемия

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.