Яна бир давлат коронавирусдан қутулди

Апрель охирида Вьетнам коронавирус билан хайрлашгани хабар қилинганди – бу ерда бир ҳафта давомида бирорта ҳам касалликка чалиниш ҳолати қайд этилмади.

Фото: EPA-EFE/RUNGROJ YONGRIT

Яна бир давлат — Таиландда коронавирус чекинди, эпидемия бошланганидан бери илк бор бу ерда бирорта ҳам касалликка чалиниш ва ўлим ҳолатлари қайд этилмади. Бу ҳақда Bangkok Post хабар бермоқда.

Ижобий хабарга қарамасдан, ҳукумат аҳолини эҳтиёт чораларидан воз кечмасликка чақирмоқда.

Шу кунга қадар Таиландда коронавирусга чалиниш билан боғлиқ 3017та ҳолат қайд этилган, 56 киши вафот этган.

Шундан сўнг карантин бекор қилинди. Хусусан, йирик шаҳарларда тадбиркорлик фаолиятига рухсат берилди, қаҳвахона ва дўконлар очилди. Хабар қилинишича, мактабларда дарслар бошланган, жамоат транспорти ишга тушган.

#Таиланд #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.