Ўзбекистонда яна 19 кишида коронавирус аниқланди. Улар Тожикистон ва Россиядан келган

Ўзбекистонда яна 19 кишида коронавирус аниқланди. Бу ҳақда Соғлиқни сақлаш вазирлиги хабар берган.

Эндиликда Ўзбекистонда коронавирус юқтирганлар сони 2 738 нафарга етди. Янги касалланганларнинг 16 нафари хориждан келган. Уларнинг 12 нафари Тожикистондан келган бўлса, яна 4 нафари Москва-Тошкент йўналиши бўйича чартер рейсда олиб келинган. Шунингдек, 3 нафар карантинда бўлган наманганлик фуқароларда вирус аниқланган.

Айни дамда Ўзбекистонда коронавирусдан соғайганлар сони 2 213 нафарни ташкил этмоқда. Бугун мамлакатда 52 кишида коронавирус аниқланган бўлса, 55 киши вирусдан тузалиб, реабилитацияга юборилди.