Дунёдаги вазият: Бразилия Испания ва Италияни ортда қолдирди, Қатарда қатъий чоралар жорий этилди

Қатор давлатларда коронавирус туфайли жорий этилган чекловлар бекор қилинмоқда. Греция ва Австралияда якшанба кунидан ибодатхоналар очилди. Испанияда карантинни юмшатиш давом этди, фақат Барселона ва Мадридда қатъий чекловлар сақлаб қолинди. Таиландда савдо марказлари очилди. Аммо эпидемиологик вазият яхшиланмаган айрим ҳудудларда янги чекловлар ўрнатилган. Қатарда эса тиббий ниқоб тақиш мажбурий бўлди ва бу талабни бажармаганлик учун 55 минг долларгача жарима солиниши мумкин. Бразилия зарарланиш ҳолатлари сони бўйича Испания ва Италияни ортда қолдирган.