Япониянинг энг машҳур тоғи коронавирус сабабли альпинистлар учун ёпиб қўйилди

1960 йилдан бери илк бор Япониянинг Фудзияма тоғига чиқишда қўлланувчи 4 та йўналишнинг барчаси коронавирус тарқалиши олдини олиш учун ёпиб қўйилди.

Фото: KUN.UZ

Япония расмийлари вирус тарқалиши олдини олиш учун тоғга кўтарилишни истовчиларга унинг ёнбағирларини ёпишга қарор қилишди.

“Япониянинг энг баланд чўққисига олиб борувчи 4 та асосий йўналишдан 3 тасини бошқарувчи Сидзуока префектураси маъмурияти жорий йилда тоғга чиқиш учун йўналишлардан бирортаси очилмаслигини эълон қилди”, дейилган хабарда.

Таъкидланишича, Яманаси префектураси ҳам чўққига кўтарилишда қўлланувчи 4-йўналишнинг ёпилиши ҳақида эълон қилган. Фудзиямага кўтарилиш мавсуми одатда июлдан сентябргача давом этади.

#Япония #Фудзияма #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.