Оқ уйнинг 11 президент хизматида бўлган собиқ ходими коронавирусдан вафот этди

АҚШда Оқ уйнинг собиқ бош хизматкори, 92 ёшли Уилсон Рузвельт Жерман коронавирусдан вафот этди. Жерман Оқ уйда 11 президент бошқаруви вақтида ишлаган.

Фото: SAMANTHA APPLETON

Бу ҳақда марҳум оиласига таяниб NBC телеканали хабар берди.

Жерман Оқ уйда 1957 йилдан бошлаб, президент Дуайт Эйзенхауэр раҳбарлик қилган вақтда фаррош бўлиб ишлашни бошлаган. У 1960-йиллар бошида президент Жон Кеннеди бошқаруви вақтида бош хизматкор даражасигача кўтарилган. Бунга биринчи хоним Жаклин Кеннеди ташаббусчи бўлган. Кеннеди хоним ўз фарзандларини Жерманга ўзига ишонгандек ишонган ва у билан яхши муносабатларда бўлган.

Жерман, шунингдек, Бушлар оиласи аъзолари билан ҳам яхши муносабатларда бўлган. У Барак Обама маъмурияти вақтида 2012 йил пенсияга кетган.

АҚШнинг собиқ биринчи хоними Хиллари Клинтоннинг таъкидлашича, Жерман президентларни Оқ уйда ўзларини худди ўз уйларидагидек ҳис қилишларини таъминлаган.

Собиқ президент Кичик Жорж Бушнинг айтишича, у рафиқаси билан бирга Оқ уйда эрталаблари биринчи бўлиб кўрадиган одамлари Жерман бўлган. “У ажойиб инсон эди”, деб эслаган марҳумни собиқ президент.

#Оқ уй #коронавирус #Рузвельт Жерман

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.