Евроиттифоқ коронавируснинг иккинчи тўлқини юз бериши эҳтимолига тайёрланмоқда

Европада коронавирусга чалинганлар сони 1,9 млн кишига етган, 169 мингдан ортиқ киши вафот этган.

Фото: REUTERS/David W Cerny

Евроиттифоқ коронавируснинг иккинчи тўлқини юз бериши эҳтимолига нисбатан тайёргарликни кучайтирмоқда. Бу ҳақда Еврокомиссия вице-президенти Марош Шефчович маълум қилди.

"Биз пандемиянинг эҳтимолий иккинчи тўлқинига нисбатан тайёргарликни яхшилаш устида ишламоқдамиз", - деди у.

Шефчович тиббий жиҳозлар захираси яратилаётгани, дори-дармонлар етишмовчилиги юз бермаслиги борасида олиб борилаётган ишларни мисол келтирди.

Маълумотларга кўра, Европада коронавирусга чалинганлар сони 1,9 млн кишига етган, 169 мингдан ортиқ киши вафот этган.

Дунё бўйича эса ушбу касалликни юқтирганлар сони 5 млн 622 мингдан ошган, 348,7 мингдан зиёд киши ҳаётдан кўз юмган.

Тайёрлаган Дилшод Аскаров

#коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.