Мехико метросида коронавирус тарқалиши олдини олиш учун гаплашмаслик илтимос қилинди

Мексика пойтахти метроси раҳбарияти йўловчилар орасида коронавирус тарқалиши олдини олиш учун улардан метрода гаплашмасликни илтимос қилди.

Фото: Михаил Терещенко/ТАСС

Маҳаллий мутахассисларнинг фикрича, шундай йўл билан вируснинг одамлар орасида тарқалишини камайтириш мумкин.

“Зарарланишни жимгина бартараф этамиз” кампанияси” гаплашиш вақтида ажраладиган зарралар ҳажмини камайтиришни мақсад қилган. Бу зарралар ёпиқ жойларда вирусдан зарарланиш омили бўлиши мумкин”, дейилган метро раҳбариятининг Twitter’даги мурожаатида.

Мехико Шимолий Американинг коронавирусдан энг кўп жабр кўрган мегаполисларидан бири ҳисобланади. Умуман олганда, Мексикада пандемия бошидан бери 90 мингдан кўпроқ киши коронавирусга чалинган, улардан 9930 нафари вафот этган. 1 июндан мамлакатда аввал киритилган чекловлар бекор қилинди.

Тайёрлаган: Шуҳрат Раҳимов

#метро #Мехико #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.