Тожикистонда 15 июндан бозор, қаҳвахона ва ресторанлар очилади

Таъкидланишича, аҳолининг шахсий ва жамоат гигиенасига риоя қилиши, тиббий ниқоблардан фойдаланиши мажбурий бўлиб, ушбу талабга амал қилмаганларга нисбатан жарима жазоси қўлланилади.

Фото: Ashan

Тожикистон коронавирус тарқалишининг олдини олиш бўйича республика штаби карантин сабабли фаолияти тўхтатиб қўйилган айрим объектларнинг қайтадан фаолият бошлашига рухсат берди.

"Тожикистонда Covid-19 инфекцияси билан боғлиқ эпидемиологик вазият яхшиланиб бораётганлиги сабабли республика штаби 15 июндан аҳолига хизмат кўрсатувчи ташкилот ва муассасаларнинг фаолият бошлашига рухсат беришга қарор қилди", - дейилади штаб хабарида.

Қарорга мувофиқ, савдо марказлари, бозорлар, меҳмонхоналар, санаторийлар, ошхоналар, қаҳвахоналар, ресторанлар, гўзаллик салонлари ва бошқа объектлар ижтимоий масофаланиш, санитария-гигиена ва эпидемияга қарши меъёрларга риоя қилган ҳолда очилади.

Охирги маълумотларга кўра, Тожикистонда коронавирус юқтирганлар сони 4370 нафар бўлиб, 48 киши вафот этган, 2491 киши соғайган.

Тайёрлаган Дилшод Аскаров

#Тожикистон #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.