Қирғизистон президенти Москвадаги парадда қатнашмади. Делегациядан икки кишида коронавирус топилди

Қирғизистон президенти Сооронбай Жээнбеков, мамлакат делегацияси аъзолари ва бошқа шахслар Москвага етиб келиб, COVID-19’га тест топширди.

Фото: Қирғизистон президенти матбуот хизмати

Kaktus.media хабарига кўра, делегацияга ҳамроҳлик қилган икки нафар шахсда тест мусбат натижа берган.

Белгиланган тартибга кўра, Қирғизистон президенти Иккинчи жаҳон урушидаги ғалабанинг 75 йиллигига бағишланган тадбирларда қатнашмасликка қарор қилди.

Коронавирус Қирғизистон Республикаси президенти девони ташқи сиёсат бўлими бошлиғи Дониёр Сидиқов ва қўриқлаш хизматининг бир нафар ходимида топилган.

23 июнь куни Қирғизистон президенти Россия пойтахти Москва шаҳрига амалий ташриф билан етиб борди. Ташриф давомида давлат раҳбари Москванинг Қизил майдонида ҳарбий парадда, шунингдек, Кремль девори ёнидаги номаълум аскар пойига гул қўйиш маросимида иштирок этиши керак эди.

Тайёрлаган Отабек Матназаров

#Қирғизистон #Сооронбай Жээнбеков #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.