Ортга қайтамизми? Деҳқон хўжаликларининг ерга умрбод эгалик ҳуқуқи бекор қилиниши мумкин

Бозор иқтисодиёти шароитида хусусий мулк — ривожланишнинг асосий омил ва устунларидан бири эканлиги исбот талаб этмайдиган аксиома ҳисобланади. Чунки бозор шароитида айнан мулкнинг эгаси мавжуд бўлсагина у самарали мулкка айланади ва айнан тайинли эгаси бор, таъбир жоиз бўлса, «меҳрибони бор» мулк асраб-авайланади, давомли истифода этиш мақсадида унга ғамхўрлик қилинади, ҳар бир бўлаги қадрланади.