Қашқадарёдан Тошкентга олиб келинаётган 800 кг мол гўшти истеъмолга яроқсиз деб топилиб йўқ қилинди – ИИВ

Ички ишлар вазирлиги ахборот хизматининг хабар беришича, Қашқадарё вилоятининг Чироқчи туманидаги «Умакай» мунтазам ЙПХ масканида тўхтатилган автомашинада ҳеч қандай ветеринария маълумотномалари бўлмаган 800 кг мол гўшти аниқланди. Тошкентга олиб келинаётган ушбу маҳсулот истеъмолга яроқсиз деб топилиб йўқ қилинди.

Фото: ИИВ ахборот хизмати

Энг арзон гўшт қаерда? Бозорлардаги нарх-наво маълум қилинди

«Қашқадарё вилояти Ички ишлар бошқармаси Пост-патрул хизмати ва ЖТСБ Карантин бўлинмаси, вилоят Йўл ҳаракати хавфсизлиги бошқармаси ходимлари томонидан 29 июнь куни тунги соат 1.10ларда Чироқчи туман ҳудудида жойлашган «Умакай» мунтазам ЙПХ масканида Қашқадарё-Тошкент йўналишида ҳаракатланиб келаётган «Нексия-1» автомашинасининг салони ва юкхонаси кўздан кечирилганида 35 та қоғоз қутида суяксиз ҳамда очиқ ҳолатда автомашина юкхонасига жойланган суякли гўшт борлиги аниқланди.

Чироқчи туман озиқ-овқат маҳсулотлари хавфсизлиги микробиология ва ветеринария-санитария экспертиза лабораторияси томонидан ҳеч қандай ветеринария маълумотномалари бўлмаган, келиб чиқиши номаълум ушбу гўштдан намуналар олиб текширилди. Туман экспертиза лабораториясининг 30 июнь кунги хулосасига асосан жами 800 кг оғирликдаги мол гўшти истеъмолга яроқсиз деб топилиб, тегишлилигича йўқ қилинди» деди ИИВ ахборот хизмати масъул ходими Сайфиддин Тўрахўжаев.

Гўшт нархи бўйича статистика ишончлими? Давстатқўм изоҳ берди

«Ўзбекистонда бир киши йил бўйи ўртача 43 кило гўшт ва гўшт маҳсулотлари истеъмол қилади» — Давстатқўм

Мўғулистондан келтирилаётган гўшт ҳалолми? «Ўзстандарт» вакили жавоб берди

«Сўнгги бир йилда истеъмол шу қадар кўпайгани даргумон» - иқтисодчи гўшт нархининг ошиши ҳақида

Монополияга қарши курашиш қўмитаси раиси гўшт нархи қимматлашиши сабаблари ҳақида гапирди

«Биз жуда кўп гўшт емоқдамиз» - Актам Хайитов гўшт нархи ошиб кетаётгани сабаби ҳақида