Бразилияда коронавирус юқтирганлар сони 1,6 миллиондан ошди

Бразилияда бир кунда коронавирусдан қурбон бўлганлар сони 602 кишини ташкил этди. Бир кеча-кундузда вирусни юқтирганлар сони 26051 кишига кўпайиб, 1 603 055 кишига етган. Мамлакат соғлиқни сақлаш вазирлигининг якшанба куни эълон қилган маълумотларида шу ҳақда сўз юритилган.

Фото: EPA-EFE/Sebastiao Moreira

Умуман, мамлакатда коронавирус инфекцияси қайд этилганидан буён ушбу хасталикдан 64 867 киши ҳаётдан кўз юмган. 906 минг бемор тузалган.

Мамлакатнинг Сан-Паулу, Рио-де-Жанейро, Эспириту-Санту ва Минас-Жерайс штатлари жойлашган жануби-шарқий минтақалари Бразилияда инфекция тарқалаётган ҳудудлар ҳисобланади. Бу ерда 553 мингдан ортиқ вирус юқтирганлар бор ва 29 750 бемор вафот этган. Мамлакат шимоли-шарқидаги 9 штатда 547 минг кишида вирус аниқланган, 20 957 инсон ҳаётдан кўз юмган.

Тайёрлаган Толиб Раҳматов

#Бразилия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.