Бразилия президенти коронавирусга чалинганлигини маълум қилди

Болсонару 6 июль куни ўзида коронавирус аломатлари кузатилаётганини маълум қилган ва коронавирусга таҳлил топширганди.

Бразилия президенти Жаир Болсонару COVID-19га топширган тести мусбат чиққанини маълум қилди. Бу ҳақда G1 портали хабар берди.

Бразилия президентининг март ойида топширган аввалги иккита таҳлили манфий чиққан эди.

Жаир Болсонару Бразилияда коронавирус тарқалиши ҳали унчалик кузатилмаган март ойи бошида мамлакатда ўзини яккалаш ва ижтимоий масофалашувнинг бошқа чоралари киритилишига қатъий қаршилик кўрсатганди. У карантин киритган штатлар губернаторлари ва шаҳарлар мэрларини жиноятчилар деб атаган ва намойишкорона тарзда шифохоналарга ниқобсиз ташриф буюриб, барча билан кўл сиқишиб сўрашганди.

Коронавирусга қарши чоралар борасидаги баҳслар сабабли Болсонару бир ой ичида икки нафар соғлиқни сақлаш вазирини ўзгартирган.

Тайёрлаган Дилшод Аскаров

#Бразилия #Жаир Болсонару

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.