Жаҳон банки коронавирусга қарши курашга 160 миллиард долларгача маблағ ажратади

Жаҳон банки бир йил ичида коронавирус тарқалиши оқибатларига қарши курашга 160 млрд доллар ажратишни режалаштирмоқда. Бу ҳақда банкнинг баёнотида маълум қилинган.

Фото: REUTERS

“Пандемияга жавобан Жаҳон банки тезкор чоралар кўрди ва 2021 йил 30 июнгача унга қарши курашга яна 160 млрд доллар йўлламоқчи. 2020 молиявий йилда [банк учун 30 июнда якунланган] Жаҳон банки коронавирус билан боғлиқ ёрдамга 21 млрд доллар тақдим қилган”, дейилган баёнотда.

Халқаро валюта жамғармаси прогнозига кўра, жорий йилда жаҳон иқтисодиётида деярли 5 фоизлик пасайиш қайд қилинади. Бироқ у 2021 йилда тикланиб, 5,4 фоизга ошади.

Тайёрлаган Шуҳрат Раҳимов

#Жаҳон банки #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.