Канада ва Ирландия Беларусь президентлиги сайловлари натижасини тан олмайди

Канада ва Ирландия Беларусда ўтказилган президентлик сайлови натижасини тан олмайди. Бу ҳақда ушбу давлатлар ташқи ишлар вазирларининг баёнотларида маълум қилинган.

Канада ташқи ишлар вазири Филипп Шампань 9 август куни Беларусда ўтказилган президентлик сайловларини сохталаштирилган деб баҳолади. Шунингдек, у Беларусда куч ишлатар органлар воситасида норозилик намойишлари бостирилишини қоралади. У бу ҳақда ўзининг твиттердаги саҳифасида ёзиб қолдирган.

Canada condemns the crackdown against peaceful protestors following the presidential election in #Belarus.

Canada does not accept the results of this fraudulent presidential election. We call for free & fair elections & a thorough investigation by the @OSCE.

My statement: pic.twitter.com/2b8arynHeT
— François-Philippe Champagne (FPC) 🇨🇦 (@FP_Champagne) August 17, 2020

Ирландия ташқи ишлар вазири Саймон Ковни ҳам Беларусда инсон ҳуқуқлари бузилишини қоралашини билдирди. Бундан ташқари у Беларусь Марказий сайлов комиссияси томонидан Александр Лукашенко ғалаба қозонган деб эълон қилинган расмий сайлов натижаларини ноқонуний бўлган деб ҳисоблашини маълум қилган.

#Беларусь #сайлов #Саймон Ковни #Филипп Шампань

2020 йилнинг 9 августида Беларусда президентлик сайловлари ўтказилади. 26 йилдан буён мамлакатни бошқараётган Лукашенко бу сафар ҳам номзодини қўйган.