Еврокомиссия BioNTech ва Pfizer компанияларига 200 млн доза вакцина учун буюртма бермоқчи

Вакцинани етказиб бериш 2020 йил охирида, тегишли идоралар унинг бозорга чиқарилишини маъқуллаши билан бошланади.

Фото: DPA

Европа комиссияси (ЕК) Германиянинг BioNTech ва АҚШнинг Pfizer компаниялари томонидан ишлаб чиқариладиган вакцинадан 200 млн доза сотиб олмоқчи. Бундан ташқари, яна 100 млн доза вакцинага буюртма бериш режалаштирилган. Бу ҳақда ЕК ва ҳар икки фармацевтика компанияси вакиллари маълум қилди.

7 сентябрь куни BioNTech ва Pfizer Германиядаги клиник синовларнинг якуний босқичи ҳақида хабар берди. Ҳозиргача клиник синовларда 25 минг кўнгилли иштирок этган.

Аввалроқ Германияда яна бир корхона - CureVac биотехник компанияси вакцина синовларини ўтказишни бошлаганди.

Тайёрлаган Дилшод Аскаров

#Европа #вакцина

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.