Қўшимча функционаллар
-
Тунги кўриниш
Ўзбекистонда фуқаронинг расмидан унинг розилигисиз фойдаланиш тақиқланиши мумкин
Мазкур норма янги таҳрирдаги Фуқаролик кодекси лойиҳасига киритилган, деб маълум қилди Адлия вазирлиги ҳузуридаги Ҳуқуқий сиёсат тадқиқот институти директори Аъзам Мадаминов.
Фото: KUN.UZ
«Амалдаги Фуқаролик кодексида бировнинг расмини олиб ундан фойдаланиш учун эгасини розилиги керак деган аниқ норма йўқ. Бошқаларнинг расмидан розиликсиз бемалол фойдаланиб юришибди.
Масалани тартибга солиш, жабрланган томонни ҳуқуқий ҳимоя қилиш мақсадида янги лойиҳага алоҳида модда киритиляпти. Бунда фуқаро тасвири қонунан ҳимояланади. Кимдир бир фуқаронинг расми ёки тасвиридан фойдаланмоқчи бўлса, унинг розилиги кераклиги белгилаб қўйилади.
Албатта, истисно ҳолатлар ҳам мавжуд. Масалан, тезкор қидирув ҳолатларида фуқаро розилиги талаб қилинмайди. Қолаверса, жамоат жойларида, ҳар хил тадбирларда туширилган суратларни тарқатишга розилик керак бўлмайди. Лойиҳада бу каби ҳолатлар кўрсатиб ўтилмоқда», – деди Аъзам Мадаминов 10 сентябрь куни АОКАда ўтказилган матбуот анжуманида.
Мавзуга оид
12:19 / 07.10.2024
Наманганда ўзганинг фотосуратларини интернетда тарқатишини айтиб пул талаб қилган шахс ушланди
17:18 / 24.08.2024
Фотожамланма: 2024 йилнинг энг яхши оқ-қора фотосуратлари эълон қилинди
08:05 / 25.07.2024
Тошкентда фуқаронинг суратини “фирибгар” ёзуви билан тарқатишини айтиб, ундан пул талаб қилган шахс ушланди
07:50 / 29.03.2024