“Uzbekistan Airways” ўқув-машқ марказида “Ўзбек тили байрами куни”га бағишланган тадбир ўтказилди

Тадбирда “Uzbekistan Airways” раҳбарияти ва ходимлари, Тошкент авиация    транспорт прокуратураси вакиллари, Тошкент Давлат Транспорт университети ўқитувчилари ҳамда ОАВ вакиллари иштирок этди.

“Uzbekistan Airways” АЖ бошқарув раиси биринчи ўринбосари Умид Ҳусанов  барча иштирокчиларни 21 октябрь – Ўзбек тили байрами куни билан табриклаб, ўзбек тили бебаҳо маънавий бойлигимиз эканлигини алоҳида таъкидлади.

- Она тилимиз миллий маънавиятимизнинг битмас-туганмас булоғидир. Шундай экан, унга муносиб ҳурмат ва эҳтиром кўрсатиш барчамизнинг, нафақат вазифамиз, балки муқаддас инсоний бурчимиздир, - деди у.

Ўзбекистонда хизмат кўрсатган маданият ходими, шоир Бобур Бобомурод тадбирда ўз шеърларидан ўқиб берди.

Шунингдек, тадбир давомида меҳмонлар ўз тақдимотлари ва тайёрланган видеороликларини намойиш этдилар.