Швеция коронавирусга оммавий иммунитет шаклланадиган биринчи давлатга айланиши мумкин

Россиялик иммунолог Владислав Жемчуговнинг таъкидлашича, Швецияда коронавирусга чалинганлар ҳақиқатан ҳам кўп, бироқ шунга қарамай, инфекциядан вафот этганлар кам.

“Фикримча, Швеция аҳолисининг 60-70 фоизи коронавирусга иммунитет ҳосил қиладиган биринчи давлат бўлади. У ерда деярли ҳамма касалланиши сабабли вирусга чалинадиган одамнинг ўзи қолмайди”, деб таъкидлаб ўтган мутахассис.

Жемчуговнинг айтишича, бу Швецияда вирус “эркинликка қўйиб юборилгани” ва уни тўхтатиш учун ҳеч қандай чекловлар йўқлиги эвазига юз беради.

Мутахассиснинг таъкидлашича, бу усул ўз тиббиётига ишончи комил бўлган ва оғир беморларнинг ҳаётини сақлаб қолиш учун зарур ресурсларга эга давлат учунгина яхшидир. 

Иммунологнинг фикрича, шундан кейин Швецияда пандемия якун топади, чунки 70 фоиз аҳоли иммунитетга эга бўлганда, инфекция тарқалиши тўхтайди.