Туркиядаги зилзила қурбонлари сони 60 нафарга етди

Маълум қилинишича, ҳозирда 218 киши шифохоналарда зарур тиббий ёрдам олмоқда.

Туркия Соғлиқни сақлаш вазири Фахритдин Хўжанинг хабар беришича, 2 мингдан кўпроқ қутқарувчи 8 та уй вайроналарида қидирув-қутқарув ишларини олиб бормоқда. 680дан кўпроқ киши шифохоналардан чиқарилган.

6,7 магнитудали зилзила 30 октябрда Эгей денгизида, Самос оролидан 19 км шимолда қайд қилинган. Унинг кучи Афина ва Истанбулда сезилган. Ер силкинишлари Измирда 20 та уйнинг қулашига олиб келган. Шунингдек, Грециянинг Неон-Карловаси шаҳрига ҳам талафот етган.