Трампнинг вертолётларидан бири сотувга қўйилди

АҚШ президенти Дональд Трампнинг вертолёти сотувга қўйилди. Бу ҳақда TMZ портали ёзмоқда.

 Трамп Оқ уй мулки бўлмаган учта Sikorsky S76-B вертолёти ва бир нечта шахсий самолётларига эга. Оқ уй раҳбари вакилларининг топшириғига биноан вертолётлардан бири Aero Asset компанияси орқали сотувга қўйилган.

Вертолёт Трампнинг истагига биноан жиҳозланган: ўриндиқларига оқ чарм қопланган ва олтиндан тайёрланган хавфсизлик камарларига эга. 

Қайд этилишича, бундай вертолётларнинг нархи 700-800 минг доллар атрофида бўлиб, янгироқ моделлари бир-икки миллион доллар туради. Нашрнинг тахминича, Трампнинг вертолёти кўпи билан 1,5 миллион долларга сотилиши мумкин.