Бразилияда 51 йил умрини шифохонада ўтказган эркак вафот этди

Эркак 1967 йилда туғилган. У туғруқ вақтида онасидан айрилган. Мачаду 2 ёшида асаб тизимини жароҳатловчи полиомиелит асоратлари сабабли шифохонага тушган ва ўлимигача қадар у ерда умр кечирган. 

Мачаду фалажланиб қолганига қарамай, ўйинлар ва мультфильмларга қизиққан, ижтимоий тармоқларда саҳифалар юритган ва шифохонадаги ўрта мактабни тамомлашга муваффақ бўлган. Бундан ташқари, у ногирон бола ва унинг дўстлари ҳақида 3D-анимация яратган.

Эркакнинг вафотига нима сабаб бўлгани маълум қилинмаган.