Қўшимча функционаллар
-
Тунги кўриниш
Ҳакерлар Pfizer-BioNTech вакцинасига оид ҳужжатларни қўлга киритишди
Ноябрда шимолий кореялик ҳакерлар Британиянинг коронавирусга қарши вакцина ишлаб чиққан AstraZeneca компанияси ходимлари қурилмаларини бузиб киришга уринганди.
Фото: AFP
Европа дори воситалари агентлиги (EMA) ҳакерлар ҳужумига учради, Pfizer ва BioNTech компанияларининг коронавирусга қарши вакцинаси бўйича айрим ҳужжатлар ҳакерлар қўлига тушди. Бу ҳақда BioNTech компанияси маълум қилди.
“Бугун Европа дори воситалари агентлиги (EMA) киберҳужумга учрагани маълум қилинди. Pfizer ва BioNTech компанияларининг коронавирусга қарши BNT162b2 номзод вакцинасига оид айрим ҳужжатлар ноқонуний тарзда қўлга киритилган”, — дейилади компания хабарида.
Ҳакерлар тадқиқотлар қатнашчиларига оид маълумотларни қўлга киритган-киритмаганлиги компанияга маълум эмас.
“Ҳозирда EMA суриштируви бўйича қўшимча маълумотларни кутмоқдамиз ва ЕИ қонунчилигига мувофиқ ҳолда тегишли чора кўрамиз”, — дейилади компания томонидан.
Аввалроқ шимолий кореялик ҳакерлар Британиянинг коронавирусга қарши вакцина ишлаб чиққан AstraZeneca компанияси ходимлари қурилмаларини бузиб киришга урингани хабар қилинганди.
Мавзуга оид
16:51 / 25.11.2024
Болаларда ҳам қўллаш мумкин бўлган маймун чечак вакцинаси тасдиқланди
17:48 / 01.11.2024
Дунёдаги энг ҳалокатли инфекция номи маълум бўлди
20:25 / 23.10.2024
Британияда норовирусга қарши дунёдаги биринчи вакцинани синовдан ўтказиш бошланди
21:15 / 13.09.2024