Навалнийнинг заҳарланиши. ОАВда унга суиқасд уюштирган ФХХ ходимлари номи ошкор қилинди

Bellingcat, Der Spiegel ва CNN биргаликда россиялик мухолифатчи Алексей Навалнийнинг заҳарланиши борасида журналистик суриштирув ўтказди. Бу нашрлар Навалнийни аввалига Новосибирскда, кейинчалик у заҳарланган Томскда таъқиб қилган Россия федерал хавфсизлик хизмати ходимларидан уч нафарининг шахсини аниқлашган. Шунингдек, яна беш нафар ФХХ ходими жараённи назорат қилишда қатнашган. Хусусан, Навалний ичида бўлган самолёт фавқулодда қўнган Омскда ҳам ФХХ ходимлари бўлган.