Япония бош вазири бир неча кишилик зиёфатда қатнашганлиги учун халқдан узр сўради

Ҳукумат аввалроқ мамлакат аҳолисини касалликка чалинишнинг олдини олиш мақсадида турли тадбир ва зиёфатлар ўтказмасликка чақирганди.

Фото: Kiyoshi Ota/Bloomberg

Япония бош вазири Ёсихидэ Суга 14 декабр куни саккиз киши иштирокидаги зиёфатда қатнашганлиги учун халқдан узр сўради.

"Иштирокчилар орасида етарлича масофа сақланган бўлса-да, бу воқеа аҳоли орасида тушунмовчиликларга сабаб бўлгани учун чуқур таассуфдаман", - деди Суга коронавирус пандемияси шароитида шундай тадбирларга ўрин борми деган саволга жавобан.

Kyodo агентлигининг ёзишича, ҳукумат аввалроқ мамлакат аҳолисини касалликка чалинишнинг олдини олиш мақсадида турли тадбир ва зиёфатлар ўтказмасликка чақирганди.

Японияда коронавирус тарқалиши билан боғлиқ вазият ноябр бошларида ёмонлаша бошлади. Касаллик юқтирганлар сони 185,4 мингдан ошди, 2,4 мингдан ортиқ киши вафот этган.

Тайёрлаган Дилшод Аскаров

#Япония #Ёсихидэ Суга

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.