Грузиянинг энг бой одами 1,5 млрд долларлик мулкларини хайрия жамғармасига ўтказди

Унинг аниқлик киритишича, активларга туристик объектлар, тижорий кўчмас мулк, офислар ҳамда Тбилиси ва Грузия регионларидаги ер участкалари киради.

Иванишвилининг сўзларига кўра, у ва турмуш ўртоғи ўзлари учун 200 млн доллар олиб қолишган. 

"Шунингдек, фарзандларимга бирор янгилик яратиш, ўзларини тўлиқ англаб етиш ва ривожланишда тўхтаб қолмасликлари учун кераклича маблағни қолдираман", - деди Иванишвили.

"Карту" хайрия жамғармаси 1995 йилда ташкил этилган ва ўтган вақт давомида турли соҳаларда қиймати 3 млрд доллардан ортиқ лойиҳаларни амалга оширган.

Иванишвили Грузиянинг энг бой одами ҳисобланади, аввалроқ Forbes журнали унинг бойлигини 5,5 млрд доллар атрофида деб баҳолаганди. Иванишвили бойлигига 1990-йилларда Россияда эришган. У турли даврларда металлургия бизнеси, кўчмас мулк ва молия соҳаларидаги операциялар билан шуғулланган.

Иванишвили 2011 йилда "Грузия орзуси – Демократик Грузия" партиясига асос солган. Партия бир йилдан сўнг парламент сайловларида мухолиф коалиция таркибида ғалаба қозонган, Иванишвили эса Грузия ҳукумати раҳбари бўлган.