Фуқароларнинг шахсий ҳаётига оид маълумотларни рухсатсиз тарқатганлик учун маъмурий жавобгарлик жорий этилади

2021 йилги давлат дастури лойиҳасида шахсга доир маълумотлар муҳофазасини такомиллаштиришга қаратилган чоралар назарда тутилган.

Хусусан, «Шахсга доир маълумотлар тўғрисида»ги Ўзбекистон Республикаси қонунига шахсий маълумотлар расм, аудио ва видеоёзув кўринишида олиниши, тарқатилиши (ОАВнинг ҳар қандай турида, оммага маълум бўлиши мумкин бўлган ҳар қандай шаклда), шахснинг огоҳлантиришсиз амалга оширилиши тақиқлаш бўйича ўзгартириш ва қўшимчалар киритиш белгилаб қўйилган.

Шунингдек, Маъмурий жавобгарлик тўғрисидаги кодексга фуқароларнинг шахсий ҳаётига доир маълумотларни расм, аудио, видеоёзув кўринишида эгалланиши, тарқатилиши ва сақланиши билан боғлиқ талабларни бузганлик учун жавобгарлик белгиловчи нормалар киритиш кўзда тутилган.