Давлат хизматлари агентлиги коррупцияга қарши менежмент бўйича халқаро стандарт сертификатини олди

Агентлик хабарига кўра, ушбу стандарт қуйидагиларни қамраб олади:

• давлат хизматлари марказлари фаолияти устидан назорат;
• давлат хизматлари кўрсатиш соҳасида давлат органлари фаолиятини назорат қилиш;
• халқаро молия институтлари ва бошқа хорижий ташкилотлардан хайрия эҳсонлари ва ҳомийлик маблағларини олиш ва сарфлаш, жисмоний ва юридик шахсларнинг бадаллари, шунингдек грантларни қабул қилиш ва сарфлаш;
• ДХМ биноларини инвестор маблағлари ҳисобидан қурилишини ташкил этиш.

Агентликда коррупцияга қарши курашиш комплаенс тизими 2019 йил якунидан эътиборан жорий этила бошланган.

KPMG халқаро компанияси томонидан 2019 йил ноябрь-декабрь ойларида агентлик тизимида мавжуд коррупциявий хавф-хатарларни аниқлаш ва баҳолаш ишлари олиб борилган.

БМТ Тараққиёт дастури ва KPMG мутахассисларининг кўмагида қуйидаги ҳужжатлар тасдиқланган:

• Давлат хизматлари агентлигида коррупцияга қарши курашишнинг асосий йўналишлари;
• ДХА ходимларининг расмий хулқ-атвор ва одоб-аҳлоқ нормалари тўғрисидаги қўшимча низом;
• агентликда манфаатлар тўқнашувини бошқариш тартиби;
• агентлик тизимига алоқа каналлари орқали келиб тушадиган мурожаатларни кўриб чиқиш тартиби.

Агентликка коррупцияга алоқадор мурожаатларни қуйидаги каналлар орқали йўллаш мумкин:

• 1148 рақамли «ишонч телефони»;
• Адлия вазирлигининг "@anticorbot" Telegram-канали ёки Агентликнинг "@davxizmataloqa_bot" Telegram-канали;
• агентликнинг Facebook'даги саҳифаси;
• электрон почта орқали (davxizmat@exat.uz, info@davxizmat.uz );
• бевосита агентлик директорига;
• ДХА умумий телефон рақами ёки агентлик веб-сайтида кўрсатилган бўлимлар / ҳудудий бошқармалар раҳбарларининг телефонлари;
• ДХА марказий аппарати ёки ҳудудий бошқармалар девонхонаси орқали.

Шунингдек, агентликда коррупцияга қарши курашиш бўйича масъул ходим белгиланган; агентлик расмий сайтида коррупцияга қарши курашиш бўлими ташкил этилган.

Бундан ташқари:

• Коорупцияга қарши курашиш, уни олдини олиш ҳамда манфаатлар тўқнашувини бошқариш мавзуларида KPMG мутахассислари томонидан вебинар ва тренинглар ўтказиб, ходимларнинг соҳага оид билимлари мустаҳкамлаб борилмоқда;
• фуқароларнинг ДХМлар фаолиятида коррупцияга дахлдор мурожаатларини тўғридан-тўғри Агентликнинг ҳудудий бошқармалари бошлиқларига етиб боришини таъминлаш мақсадида, ДХМларда коррупцияга қарши курашиш бўйича «тўғридан тўғри алоқа қутилари» ўрнатилди;
• ДХМларда фуқароларнинг навбатини бошқаришнинг шаффоф тизимини шакллантириш мақсадида «QUMATIC» электрон навбат тизими жорий этилди. Ҳозирда фуқаролар марказларнинг биносига бормасдан туриб ҳам электрон навбат олиш имкониятига эга;
• Агентлик биносида ситуацион марказ ўрнатилди. Бу – барча ҳудудлардаги ДХМларни онлайн назорат қилиш имконини беради.

СЕRT International компанияси мутахассислари томонидан Давлат хизматлари агентлиги тизимида 2-босқичдан иборат аудит текширувлари ўтказилиб, агентлик ISO 37001:2016 «Коррупцияга қарши курашиш менежменти тизими» халқаро стандарти бўйича сертификат олишга муносиб деб топилди.