Қўшимча функционаллар
-
Тунги кўриниш
ХОҚ Лукашенконинг ўғлини Беларусь олимпия қўмитаси раҳбари деб тан олмаслигини маълум қилди
Александр Лукашенконинг тўнғич ўғли Виктор Лукашенко 26 февраль куни миллий олимпия қўмитаси президенти лавозимини эгаллаганди.
Халқаро олимпия қўмитаси (ХОҚ) Виктор Лукашенкони Беларусь миллий олимпия қўмитасининг президенти деб тан олмасликка қарор қилди. Бу ҳақда ХОҚнинг коммуникациялар бўйича директори Марк Адамс маълум қилди.
"ХОҚ Виктор Лукашенкони миллий олимпия қўмитасининг президенти сифатида тан олмайди", - деди Адамс.
Беларусь президенти Александр Лукашенконинг тўнғич ўғли Виктор Лукашенко 26 февраль куни миллий олимпия қўмитаси президенти лавозимини эгаллаганди. У қўмитани 1997 йилдан буён бошқариб келган отасининг ўрнига президент этиб сайланди.
Ушбу тайинлов халқаро олимпия қўмитасининг санкциялари билан боғлиқ бўлиши мумкин. Чунки ХОҚ 2020 йил декабрда Беларусь президентининг ушбу ташкилот шафеълигида ўтказиладиган барча тадбирларда қатнашишини тақиқлаганди.
Ўтган йили Беларусь президентлигига ўтказилган сайловдан кейин 1000га яқин спортчи куч ишлатиш тизимларининг зўравонлигига қарши мактубга имзо чекканди.
Мавзуга оид
21:24 / 27.05.2025
ХОҚ россиялик спортчиларни 2026 йилги Қишки Олимпиада ўйинларига киритмади
16:55 / 11.04.2025
2028 йилги Олимпия ўйинларида аёл спортчилар биринчи марта кўпчиликни ташкил қилади
08:42 / 22.03.2025
ХОҚ раҳбари ҳарбий можаролар туфайли ўйинлардан четлатишга қарши чиқди
23:37 / 20.03.2025