Чирчиқ шаҳрида яшовчи фуқаро хонадонидан иккита ўқ отар қурол топилди

«Зарбдор» ойлиги доирасида 23 март куни Тошкент вилояти ИИББ тезкор ходимлари томонидан ўтказилган тадбирда Чирчиқ шаҳрида яшовчи 1951 йилда туғилган фуқаро С.Г.нинг яшаш хонадони кўздан кечирилган.

Текширув натижасида уйнинг том қисмида ҳеч қандай ҳужжатларга эга бўлмаган, ноқонуний сақлаб келинаётган бир дона ов қуроли, бир дона пневматик спорт милтиғи, 16 дона ўқ ва уч дона темир металлдан ишланган қурол ускуналари топилган.

Ҳозирда ушбу ҳолат юзасидан Чирчиқ шаҳар ИИБ Тергов бўлими томонидан С.Г.га нисбатан Жиноят кодексининг 248-моддаси 1-қисми билан жиноят иши қўзғатилган.