Токио Олимпиадасида коронавирусга чалинган спортчилар махсус меҳмонхонага жойлаштирилади

Токио Олимпиадаси ташкилотчилари Ўйинлар давомида коронавирусга чалинадиган спортчиларни махсус меҳмонхонага жойлаштиришни режалаштирмоқда. Ташкилий қўмита бу мақсадда Олимпия қишлоғидан бир неча километр узоқликдаги 300 хоналик меҳмонхонани захиралаб қўяди.

Фото: Getty Images

Бу ташкилотчиларга бир неча миллион долларга айланади.

Қўмита, шунингдек, касалланганларни меҳмонхонага олиб бориш учун 30тага яқин махсус транспорт воситасини тайёрлаб қўяди. Спортчилар ҳар 4 кунда коронавирусга тест топширадилар. Олимпиададаги карантин ва тест олиш бўйича қўшимча тавсиялар кейинроқ эълон қилинади.

Токио Олимпиадаси 2021 йил 23 июлдан 8 августгача бўлиб ўтади. Март ойида Ўйинлар ташкилотчилари пандемия сабабли Олимпиада хорижлик томошабинларсиз ўтишини эълон қилганди.