Жиззахда тош ортиш учун тоққа чиққан «ЗИЛ» ағдарилиб кетиб, икки киши вафот этди

Фото: ИИБ ЙҲХБ ахборот хизмати

Жиззах вилояти Шароф Рашидов туманида тош ортиб тушиш учун тоққа чиққан «ЗИЛ »ағдарилиб кетган. Оқибатда унинг салонида бўлган уч нафар одамдан икки нафари вафот этган. Бу ҳақда Жиззаҳ вилояти ИИБ ЙҲХБ хабар бермоқда.

Маълум қилинишича, жорий йил 5 май куни соат 7:00ларда Жиззах вилояти Шароф Рашидов тумани Нонисангил маҳалласида яшовчи 1969 йилда туғилган шахс ўз бошқарувидаги «ЗИЛ» юк машинаси билан тош ортиб тушиш мақсадида шу туманнинг Ёмонбулоқ қишлоғи ҳудудидаги тоғ тепалигига чиққанда машина пастга ағдарилиб кетган.

Қайд этилишича, машина ағдарилиб пастга қулаганда ҳайдовчининг ёнида Шароф Рашидов тумани Нони сангил маҳалласида яшовчи 1984 йилда туғилган ва Уч қиз маҳалласида яшовчи 1991 йилда туғилган шахслар бўлган.

Оқибатда, мазкур бахтсиз ҳодиса натижасида «ЗИЛ» ҳайдовчиси ва яна бир нафар шахс воқеа жойида вафот этган. Яна бир шахс оғир тан жароҳатлари олиб шифохонага ётқизилган.

Таъкидланишича, ҳозирда мазкур ҳодиса юзасидан Шароф Рашидов тумани ИИБ тергов бўлинмаси томонидан суриштирув олиб борилмоқда.

Жиззахда Россияга тегишли юк машинаси ағдарилиб кетди. Унга юкланган қўйларнинг бир қисми нобуд бўлди

Жиззахда юк машинаси бориб урган «Lacetti» пастликка қулади. Бир киши ҳалок бўлди

#Жиззах вилояти