Moderna компанияси илк марта даромад кўрди

Американинг Moderna биотехнология компанияси илк бор даромад кўрувчи компанияга айланди. 2021 йилнинг биринчи чораги молиявий ҳисоботига кўра, компания 1,2 млрд доллар даромад кўрди.

Компания ўз тарихининг ўн йили давомида чораклик даромадга коронавирусга қарши вакцина сотуви орқали эришди.

Moderna уч ой давомида 102 млн доза вакцина сотган.

Таққослаш учун, Moderna компаниясининг биринчи чоракдаги айланмаси 1,9 млрд долларни ташкил этган, бир йил аввал бу кўрсаткич атиги 8 млн долларга тенг бўлган.