Moderna kompaniyasi ilk marta daromad ko‘rdi

Amerikaning Moderna biotexnologiya kompaniyasi ilk bor daromad ko‘ruvchi kompaniyaga aylandi. 2021 yilning birinchi choragi moliyaviy hisobotiga ko‘ra, kompaniya 1,2 mlrd dollar daromad ko‘rdi.

Kompaniya o‘z tarixining o‘n yili davomida choraklik daromadga koronavirusga qarshi vaksina sotuvi orqali erishdi.

Moderna uch oy davomida 102 mln doza vaksina sotgan.

Taqqoslash uchun, Moderna kompaniyasining birinchi chorakdagi aylanmasi 1,9 mlrd dollarni tashkil etgan, bir yil avval bu ko‘rsatkich atigi 8 mln dollarga teng bo‘lgan.