ССВ: Ўз вазифасига совуққонлик билан қараган тиббиёт ходимлари вазифасидан озод этилди

Соғлиқни сақлаш вазири Абдуҳаким Ҳожибоев Тошкент шаҳридаги туғруқхонага олиб келинган ҳомиладор аёл пропискаси йўқлиги учун қабул қилинмагани билан боғлиқ ҳолат юзасидан тезкор йиғилиш ўтказди. Соғлиқни сақлаш вазирлиги матбуот хизмати хабар беришича, Тошкент шаҳар Соғлиқни сақлаш бош бошқармаси бошлиғининг соҳага масъул ўринбосари ҳамда туғруқхона раҳбари ишдан олинган.