Қирғизистонда Тожикистон фуқароларига авиачипта сотиш тақиқланди

Қирғизистон авиация раҳбарияти турагентлик ва авиакомпанияларга Тожикистон фуқароларига авиачипта сотишни тақиқлади, деб хабар берди tazabek.kg.

Хабарда айтилишича, 28 май куни фуқаро авиацияси агентлиги барча авиакомпанияларга бу ҳақда хабарнома жўнатган.

«Тақиқ махсус буйруқ олингунига қадар амал қилади», - деган фуқаро авиацияси агентлиги вакили Женишбек Эсенаманов.

Хабарномада айтилишича, тақиқ Қирғизистон ва Тожикистон дипломатик ваколатхоналари ходимлари ва уларнинг оила аъзолари, аввалдан келишилган ҳолда ташриф буюрадиган Қирғизистон ва Тожикистон расмий шахсларига тааллуқли эмас.

Аввалроқ Тожикистон ТИВ ўз фуқароларини Қирғизистонга бормасликка чақирганди.