Қўшимча функционаллар
-
Тунги кўриниш
Колумбияда президент вертолёти ўққа тутилди
Колумбияда бортида мамлакат президенти Иван Дуке бўлган вертолёт номаълум шахслар томонидан ўққа тутилди. Маълумотларга кўра, президентга зарар етмаган.
Noticias Caracol нашрининг хабар беришича, Дуке билан бирга вертолётда мудофаа, ички ишлар вазирлари, Шимолий Сантандер департаменти губернатори ва Кукута шаҳри мэри бўлган. Ҳужум оқибатида ҳеч кимга зарар етмаган.
Маълумотларга кўра, Дуке вертолёти Сардината муниципалитетини тарк этиб, Кукутага қўнаётганда унга камида 6та ўқ узилган. Ҳужум жойида иккита АК-47 автомати ва гилзалар топилган. Таъкидланишича, автоматлардан бирида Венесуэла қуролли кучлари белгиси бўлган.
Колумбия президенти вертолёт ҳужумга учраганини тасдиқлаган.
Колумбия ҳукумати Дуке вертолётига ҳужум қилганлар ҳақидаги маълумот учун 3 млрд песо (800 минг доллар) мукофот пули таклиф қилган.
Эслатиб ўтамиз, Колумбияда май ойида солиқ ислоҳотларига қарши норозилик намойишлари бошланганди. Улар давомида 40дан ортиқ одам ҳалок бўлган.
Мавзуга оид
00:35 / 07.05.2025
Колумбияда 6 та маймунни божхонадан иштонларига яшириб олиб ўтишга уринган шахслар ушланди
22:36 / 24.04.2025
Кокаинни қонунийлаштиришга чақирган Колумбия президенти гиёҳванд моддаларга қарамликда айбланди
00:05 / 18.04.2025
Колумбияда сариқ безгак туфайли фавқулодда ҳолат режими эълон қилинди
18:07 / 19.03.2025