Индонезияда рекорд даражада кунлик касалланиш ҳолати қайд этилди

Индонезияда охирги суткада коронавирусдан 21 мингдан кўпроқ касалланиш ҳолати қайд этилди. Бу мамлакат учун антирекорд бўлди.

Фото: Reuters

Индонезияда пандемия бошидан бери 2,1 млндан ортиқ киши коронавирусга чалинган, 57 мингдан зиёд киши ундан вафот этган. Шу билан бирга, мамлакатда коронавирусга текшириш кўлами кичик бўлгани сабабли кўплаб касалланиш ҳолатлари статистикада қайд қилинмаган ва реал рақамлар юқорироқ бўлиши мумкин.

Индонезия ҳукумати касалланиш даражаси ошиши шифохоналарнинг тўлиб-тошишига олиб келишидан хавотирланмоқда.

Маҳаллий мутахассисларнинг фикрича, коронавируснинг ушбу тўлқини энг юқори чўққиси 2–3 ҳафтадан кейин келади.

Тайёрлаган Шуҳрат Раҳимов

#Индонезия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.